SІM shetelde júrgen azamattarǵa arnalǵan pasport rásimdeý erejesin jańartty
ASTANA. KAZINFORM – Qazaqstan Respýblıkasynyń Syrtqy ister mınıstrligi shetelde júrgen azamattar úshin pasport rásimdeý merzimin edáýir qysqartýdy kózdeıtin buıryq jobasyn ázirledi. Jańa ózgeristerge sáıkes, memlekettik qyzmet kórsetý ýaqyty eki esege jýyq azaımaq.
Qoldanystaǵy erejelerge engiziletin bul túzetýler halyqaralyq standarttar men tsıfrlandyrý talaptaryna negizdelgen. Osylaısha buǵan deıin aılap kútetin qyzmet endi sanaýly apta ishinde kórsetilmek.
– Syrtqy ister mınıstrligi shetelde júrgen azamattar úshin pasport rásimdeý merzimin qysqartýǵa baǵyttalǵan ózgerister jobasyn daıyndady. Osylaısha, memlekettik qyzmet kórsetý merzimi 90 jumys kúninen 40 jumys kúnine deıin qysqartylady. Sonymen qatar erejelerdi qoldanystaǵy zańnamaǵa, atap aıtqanda «Memlekettik jáne áleýmettik jaýapty qyzmetter týraly» zańǵa jáne Tsıfrlyq kodekske sáıkes keltirý úshin redaktsııalyq túzetýler engizilýde, - delingen qujatta.
Aıta keteıik, atalǵan joba 6 sáýirge deıin Ashyq NPA portalynda talqylaýda bolady.
Buǵan deıin tólqujatty onlaın qaıta shyǵarý iske qosylatynyn jazǵan edik.
