Amerıkandyq kompanııa JI-di engizý arqyly 6 myń qyzmetkerin jumystan qasqartady

ASTANA. KAZINFORM — Amerıkandyq HP kompanııasy jasandy ıntellektige ınvestıtsııa salýdy jalǵastyra otyryp, óz qyzmetkerleriniń 10%-yn qysqartýdy josparlap otyr. Bul týraly Agenzia Nova agenttigi jazdy.

Kompıýter óndirýshi kompanııa 2028 jyldyń sońyna qaraı 6000 qyzmetkerdi jumystan bosatady.

Bas dırektor Enrıke Lorestiń aıtýynsha, qaıta qurylymdaý ónim men baǵdarlamalyq jasaqtamany ázirleýdi jedeldetý jáne tutynýshylarǵa qoldaý kórsetý maqsatynda júzege asady. Sondaı-aq kompanııaǵa jasandy ıntellektini engizý keıbir ishki protsesterdi avtomattandyrý úshin qajet dep túsindirdi. 

— Bul ózgeris kompanııany jańartý jáne aldaǵy 10-20 jyl ishinde básekege qabilettilikti saqtaý úshin biregeı múmkindik dep bilemiz, — dedi Lores. 

Kompanııany qaıta qurylymdaý úshin shyǵyn shamamen 650 mıllıon dollar bolady. Bul sharalar júzege asatyn bolsa, kompanııa jyl saıyn kem degende bir mıllıard dollar únemdeıdi. 

Buǵan deıin jasandy ıntellekt 3,3 mıllıard jyl burynǵy tirshilik izderin anyqtaýǵa kómektesetini týraly jazdyq.