SІM qazaqstandyqtardy Taıaý Shyǵysqa barmaı turyp jaqsylap oılanýǵa shaqyrdy
ASTANA. KAZINFORM – Syrtqy ister mınıstrliginiń resmı ókili Aıbek Smadııarov qazaqstandyqtardy Taıaý Shyǵys saparlaryna qatysty baısaldy sheshim qabyldaýǵa shaqyrdy.
- Bizden shyqqan reıster toly kúıinde ketip jatyr. Keshe Air Astana áýe kompanııasy birneshe reısti shegerdi. Sondyqtan elge keri qaıtqa kezde aqaýlar, keshigýler bolýy múmkin, - dedi Aıbek Smadııarov.
Sondaı-aq, ol shıelenis órship turǵan aımaqtarǵa sapar josparlamaı turyp jeke qaýipsizdik máselesin jaqsylap oılaný kerektigin eske saldy.
– Bul elderge barmaı turyp jaqsylap oılanyp, sanaly sheshim qabyldaýǵa shaqyramyz. Ár azamat óz qaýipsizdigi úshin ózi jaýap beredi. Sonyń ózinde sheteldegi qazaqstandyqtardyń quqyqtary men múddesin qorǵaý dıplomattarymyz úshin basym baǵyt bolyp qala beredi, - dedi SІM resmı ókili.
Buǵan deıin Premer-mınıstrdiń orynbasary – Ulttyq ekonomıka mınıstri Serik Jumanǵarın Iran-Izraıl teketiresiniń Qazaqstannyń syrtqy saýdasyna qalaı áser etip jatqanyn aıtqan bolatyn.