SІM Grýzııada Qazaqstan azamatynyń ustalǵanyn rastady
ASTANA. KAZINFORM — Qazaqstannyń Syrtqy ister mınıstrligi bıylǵy 22 sáýirde Grýzııanyń Imeretııa óńirinde otandasymyzdyń ustalǵany týraly aqparatty rastap, túsinikteme berdi.
Mınıstrliktiń málimetinshe, otandasymyzǵa Grýzııa Qylmystyq kodeksiniń 260-baby 1-bóligi boıynsha aıyp taǵylyp otyr. Atap aıtqanda, ol esirtki zattaryn zańsyz ıemdendi jáne saqtady degen kúdikke ilingen.
Qazirgi ýaqytta Qazaqstan konsýly oqıǵanyń mán-jaıyn anyqtaý maqsatynda Grýzııanyń quzyretti organdarymen tikeleı baılanys ornatty. SІM bul máseleni erekshe baqylaýǵa alǵanyn jetkizdi.
Sonymen qatar, vedomstvo shet elderde júrgen qazaqstandyqtarǵa barǵan memleketiniń zańnamasyn qatań saqtaý qajettigin taǵy da eske saldy.
Aıta keteıik, buǵan deıin Shyǵys Qazaqstan oblysynda esirtki óndirisin uıymdastyrǵandardyń ómir boıyna bas bostandyǵynan aıyrylýy múmkin ekeni habarlanǵan bolatyn.