SІM: Gaza turǵyndarynyń Qazaqstanǵa kóshiriletini – feık

ASTANA. KAZINFORM – Syrtqy ister mınıstrliginiń resmı ókili Aıbek Smadııarov soǵys oshaǵyna aınalǵan Gazanyń turǵyndary Qazaqstanǵa kóshiriletini týraly málimetterdi feık dep atady.

– Bul anyq ári óreskel feık. Shyndyqqa jaspaıdy. Mundaı aqparatty kimder taratatynyn bilmeımin, biraq bireýge tıimdi degen sóz, - dedi ol vedomstvonyń kezekti baspasóz máslıhatynda. 

Aıbek Smadrııaov Qazaqstan Gazadaǵy jaǵdaıdy beıbit jolmen sheshýdi qoldaıtynyn, biraq bul ondaǵy turǵyndardy óz aýmaǵyna kóshirip ákelýge daıyn degendi bildirmeıtinin aıtty. 

Buǵan deıin Premer-mınıstrdiń orynbasary – Ulttyq ekonomıka mınıstri Serik Jumanǵarın Iran-Izraıl teketiresiniń Qazaqstannyń syrtqy saýdasyna qalaı áser etip jatqanyn aıtqan bolatyn.