SІM Garvardtaǵy qazaqstandyq stýdentterge qatysty pikir bildirdi

ASTANA. KAZINFORM — SІM resmı ókili Aıbek Smadııarov AQSh-ta «Bolashaq» baǵdarlamasymen oqyp jatqan qazaqstandyqtar vedomstvonyń jiti baqylaýynda ekenin aıtty.

— Qandaı bir jaǵdaı bolsa, biz olardyń basqa oqý ornynda bilim alýyna qamtamasyz etemiz. Óz betinshe bilim alyp jatqandarǵa kelsek, olar qyzmet alýshy jáne qyzmet kórsetýshi bolyp ózara kelisim jasasqan. Eger ondaı stýdentke atalǵan JOO unamasa, ol kelisimnen bas tartyp, basqa elge kelip oqýyn jalǵastyra alady, — dedi Smadııarov vedomstvoda ótken baspasóz máslıhatynda.

Resmı ókil, sondaı-aq, óz kezeginde ýnıversıtet te birjaqty tártippen kelisimdi úze alatynyn atap ótti.

— Bul olardyń jeke kelisimi sanalady. Olardyń qandaı kelisim jasasqanyn men kórgen joqpyn. Óz qaltasynan aqsha tólep otyr, soǵan saı qyzmet alýy kerek. Bul arada biz kıligip, «nege búıtpeısińder» deı almaımyz, — dedi ol.

Eske salsaq, 23 mamyr kúni Tramp ákimshiligi Garvardty sheteldik stýdentterdi oqytý quqyǵynan aıyrdy.

Osydan keıin Ǵylym jáne joǵary bilim mınıstri Saıasat Nurbek Garvard ýnıversıtetinde bilim alyp jatqan otandastarymyzdyń jaǵdaıyna baılanysty pikir bildirdi.

30 mamyrda Aq úı sheteldikterdiń Garvardta oqýyna salynǵan tyıymdy alyp tastady.

Búgin AQSh Garvardtyń sheteldik stýdentterine vıza berýdi qalpyna keltiredi.