SІM Er-Rııadtaǵy shabýyldan zardap shekkender arasynda el azamattarynyń bar-joǵyn tekserip jatyr
ASTANA. KAZINFORM — Qazaqstannyń Syrtqy ister mınıstrligi Er-Rııadtaǵy Korol Halıd atyndaǵy halyqaralyq áýejaıǵa jasalǵan shabýyl saldarynan qaza tapqandar men zardap shekkenderdiń arasynda Qazaqstan azamattarynyń bar-joǵyn tekserip jatyr.
Saýd Arabııasynyń Azamattyq avıatsııa basqarmasynyń málimetinshe, shabýyl saldarynan 12 adam qaza taýyp, taǵy 309 adam jaraqat alǵan.
Qaza tapqandardyń arasynda Saýd Arabııasy, Bangladesh, AQSh, Mysyr, Iordanııa, Sırııa, Palestına jáne Sýdan azamattary bar. Zardap shekkenderdiń keıbiriniń jaǵdaıy aýyr.
Buǵan deıingi aqparatqa sáıkes, shabýylǵa Iemendegi hýsıtter jaýapkershilikti óz moınyna alǵan. Aldyn ala málimet boıynsha, qaýip týraly eskertý júıesi iske qosylmaǵan.
Bul — keıingi bir aptada áýejaıǵa jasalǵan úshinshi shabýyl. Keıingi shabýyldan soń reıster basqa áýejaılarǵa baǵyttalyp, Er-Rııad áýejaıynyń jumysy ýaqytsha toqtatylǵan.
