SІM basshysy TMD Syrtqy ister mınıstrleri keńesiniń otyrysyna qatysty

ASTANA. KAZINFORM – Qazaqstan Respýblıkasynyń Syrtqy ister mınıstri Ermek Kósherbaev Táýelsiz Memleketter Dostastyǵy Syrtqy ister mınıstrleri keńesiniń kezekti otyrysyna qatysty.

SІM málimetinshe, is-shara barysynda syrtqy saıası vedomstvolar basshylary óńirlik jáne halyqaralyq kún tártibindegi ózekti máselelerdi, Dostastyqqa qatysýshy memleketterdiń ózara is-qımylynyń jaı-kúıi men keleshegin talqylady.

Mınıstr TMD sheńberindegi yntymaqtastyqtyń túrli aspektileri boıynsha Qazaqstannyń ustanymyn belgilep, Uıymdy odan ári damytýǵa baǵyttalǵan birqatar usynystar aıtty.

Halyqaralyq jáne saýda-ekonomıkalyq kooperatsııany damytý, tsıfrlyq jáne kólik-tranzıttik salalardaǵy ózara baılanystyjandandyrý jáne basqa da birqatar áleýetti baǵyttarǵa erekshe nazar aýdaryldy.

Otyrys qorytyndysy boıynsha delegatsııa basshylary 10 qazanda Dýshanbe qalasynda ótetin TMD Memleket basshylary keńesiniń otyrysyna engiziletin qaýipsizdik, quqyq qorǵaý jáne mádenı-gýmanıtarlyq yntymaqtastyq salasyn damytý jónindegi birqatar qujattardy maquldady.

Kezdesý dástúrli dostyq sıpatta ótti, taraptar TMD sheńberindegi ózara is-qımyldy damytýǵa jáne Uıymnyń keń áleýetin odan ári nyǵaıtýǵa múddeli ekenin rastady.

TMD Syrtqy ister mınıstrleri keńesiniń kezekti otyrysy 2026 jylǵy sáýirde Kalınıngrad qalasynda ótedi.

Aıta ketelik Prezıdent Ermek Kósherbaevqa ekonomıkalyq dıplomatııany kúsheıtýdi tapsyrǵan edi.