SІM basshysy Islam yntymaqtastyǵy uıymymen ózara is-qımyldy jalǵastyrýǵa kelisti
ASTANA. KAZINFORM – Qazaqstan Respýblıkasynyń Syrtqy ister mınıstri Ermek Kósherbaev Islam yntymaqtastyǵy uıymy Bas hatshysynyń Ǵylym jáne tehnologııa máseleleri jónindegi orynbasary Aftab Hokerdi qabyldady.
Kezdesý barysynda QR syrtqy saıası vedomstvosynyń basshysy suhbattasqa «Óńirlik ekologııalyq sammıt 2026» is-sharasyna qatysqany úshin alǵys bildirip, sondaı-aq Astananyń IYU-men yntymaqtastyqqa erekshe mán beretinin atap ótti.
Óz kezeginde A.Hoker Qazaqstannyń IYU qyzmetine qosqan úlesin joǵary baǵalap, Uıymnyń QR-men yntymaqtastyqty keńeıtýge múddeliligin atap ótti.
Suhbat sońynda taraptar belsendi ózara is-qımyldy jalǵastyrýǵa kelisti.
Eske sala keteıik, buǵan deıin Syrtqy ister mınıstri Iran Elshisin qabyldaǵanyn jazǵan edik.
