Slovenııanyń batysynda tuman saldarynan 70-ke jýyq kólik soqtyǵysyp qaldy
ASTANA. QazAqparat - Slovenııanyń batys bóliginiń A1 magıstralinde 70-ke deıin kólik soqtyǵysqan, bul el tarıhyndaǵy eń kóp kólik soǵylǵan iri apat bolyp tabylady, dep habarlaıdy jergilikti STA agenttiginen.
Qaza bolǵandardyń arasynda 4 adam bar, taǵy 30 adam túrli jaraqattar alǵan. Apatta soǵylǵan kólikterdiń arasynda júk avtomobılderi men avtobýstar da boldy.
Aldyn ala málimetter boıynsha, Lıýblıana men Adrıatıka jaǵalaýyn qosyp otyrǵan kúre joldaǵy apatqa qalyń tuman sebep bolǵan.
Jol jabyldy, oqıǵa ornynda shuǵyl qyzmetter jumys istep jatyr.
