Slovenııadaǵy forýmda «Smart Almaty» jobasy ekinshi oryn aldy
ALMATY. QazAqparat - Slovenııada jetinshi ret ótken «2017- Lıýblıana» forýmynda «Smart Almaty» jobasy eń úzdik dep tanylyp, Ońtústik-Shyǵys Eýropa elderiniń arasynda «Qalalardyń bolashaǵy» nomınatsııasy boıynsha ekinshi oryn aldy, dep habarlaıdy QazAqparat tilshisi.
Aıta ketý kerek, Slovenııalyq Marıborskıı qalasynyń komandasy «wCycle» jobasymen úzdik dep tanyldy, al úshinshi oryndy Horvatııanyń Zagreb qalasynyń jobasy aldy.
Bıyl forýmǵa 200-den astam qatysýshy jınaldy.
Jınalǵandar qalanyń turaqty damýyn talqylady. «Lıýblıana forýmy» tóraǵasy Blaz Golob Almaty turǵyndaryn quttyqtap, jobany tabysty júzege asyrýǵa tilektestik bildirdi.
«Forýmǵa qatysýshylar arasynda ádemi qalalardyń biri Almatydan ókilder bolǵanyna qýanyshtymyz. Men shyn júrekten Sizdi jáne Almaty qalasyn tanystyrǵan komandany quttyqtaımyn. «Smart City» salasyndaǵy eń kórnekti jobalarǵa jyl saıyn marapattar beriledi. Almaty qalasy fınalısterdiń biri bolǵanyn jáne qazylar alqasynyń sheshimi boıynsha «Smart Almaty» jobasy ekinshi oryndy ıelengeni týraly biz jarııalaýǵa qýanyshtymyz», - dedi Blaz Golob.
«Aqyldy qala» baǵyty boıynsha Almaty qalasynyń damýy «Almaty-2020» qalanyń damý baǵdarlamasyna sáıkes jáne «Tsıfrlyq Qazaqstan» memlekettik baǵdarlasynyń jobasyna sáıkes júrgiziledi. Joba qalanyń barlyq salasynda zamanaýı texnologııalardy engizýdi jobalaıdy. Bul qala turǵyndardyń ómir deńgeıin joǵarylatýǵa, jańa qyzmetterdi eńgizýge jáne TKSh ınfraqurylysy shyǵyndaryn tómendeýge múmkindik beredi.
Esterińizge sala keteıik, Almatyda alǵashqy «Open Almaty» júıelik jobasy bastaldy. Bıznesti júrgizý úshin qajetti derekter kez kelgen adamǵa qoljetimdi bola bastady.
Almaty qalasynyń Bas jospar portalynda qyzyl jeliler men ınjenerlik jelilerdiń shemalary jarııalanǵan. Joldardy, jylý jelilerin, aýla alańdaryn, qoǵamdyq oryndaryn jóndeý boıynsha ákimdiktiń jospary jarııalandy. Budan bylaı jobalardy pysyqtaý úshin bıznes qala ákimshiligine barýǵa tıis emes.
«Almaty Towers» jaıly bıznes ortalyǵynda «bir tereze» qaǵıdaty boıynsha sol jerde keńes alyp, nemese veb-saıtqa jáne telefonǵa ótinish qaldyrýǵa bolady.
