Slovenııada prezıdent saılaýynyń ekinshi kezeńi ótip jatyr
Saılaý ýchaskeleri jeksenbi, 13 qarasha, jergilikti ýaqyt boıynsha saǵat 07.00-de ashylyp, saǵat 19.00-de jabylady. Birinshi týrda úmitkerlerdiń eshqaısysy 50 paıyzdan asatyn daýys jınaǵan joq.
Joǵarǵy laýazymǵa burynǵy SІM basshysy, ońshyl ortalyq Slovenııa demokratııa partııasynyń depýtaty Anje Logar jáne solshyl ortalyq kózqarasty ustanatyn beıpartııalyq kandıdat, advokat Natasha Pırts-Mýsar talasady.
23 qazandaǵy birinshi týrdyń qorytyndysy boıynsha bıýlletenderdiń 99 paıyzyn óńdegennen keıin Slovenııanyń burynǵy Syrtqy ister mınıstri Logar shamamen 34 paıyz, Pırts-Mýsar 27 paıyz tóńireginde daýys jınady.
Úshinshi oryndy Eýroparlament depýtaty, «Áleýmettik demokrattar» partııasynyń jáne «Bostandyq» qozǵalysynyń kandıdaty Mılan Brglez ıelendi, ol 15,41 paıyz daýys jınady.
Qazirgi prezıdenttiń mandaty jeltoqsanda aıaqtalady.
Saılaýǵa jeti úmitker qatysty.
Jańa memleket basshysy 23 jeltoqsanda Slovenııanyń qazirgi prezıdenti Borýt Pahordyń bes jyldyq mandaty aıaqtalǵan kezde qyzmetine kirisýi kerek.
Aıta keteıik, Slovenııa - parlamenttik respýblıka, sondyqtan el prezıdentiniń fýnktsııalary shekteýli.
Foto: AP photo
