Slovenııada órt saldarynan oq-dáriler jarylyp jatyr
NUR-SULTAN. QazAqparat – Slovenııada alapat órttiń taralý aımaǵynda bolǵan úsh aýyldyń halqy evakýatsııalandy. El bıligi ony táýelsiz respýblıka bolǵan 30 jyldan astam ýaqyt ishinde bolǵan eń iri órt ekenin aıtty, dep habarlaıdy QazAqparat Euronews-ke silteme jasap.
Jalyn 2 myń gektardan astam aýmaqty sharpydy. Joǵary temperatýra saldarynan Birinshi dúnıejúzilik soǵys kezindegi shaıqastardan beri jerde jatqan oq-dáriler jarylǵan. Slovenııalyq órt sóndirýshilerge turǵyndar belsendi túrde kómektesýde.
Frantsııada sońǵy kúnderi aýa temperatýrasy birshama tómendedi. Bul órt sóndirýshilerge Jırondta jalynnyń taralýyn baqylaýǵa kómektesti. Bul aımaqta órt 20 myń gektardan astam ormandy joıyp, 36 myń adamdy evakýatsııalaýǵa májbúr etti. Biraq sınoptıkter demalys kúnderi eldiń batysynda taǵy da ystyq bolatynyn eskertedi.
Ispanııada eldiń soltústigi men batysyndaǵy orman órtterin baqylaý alý áli de múmkin bolmaı jatyr. Taǵy toǵyz iri oshaq bar. Vıgo provıntsııasynda áskerı qyzmetkerler órt sóndirýshilerge kómekke keldi. Kúshti jel men aptap ystyq órtti óshirýge áli de kedergi keltirip jatyr. Búkil koroldik aýmaǵynda órt qaýpiniń deńgeıi óte joǵary.
Foto: ru.euronews.com
