Slovenııada koronavırýs juqtyrýdyń alǵashqy jaǵdaıy tirkeldi
LıÝBLıANA. QazAqparat – Slovenııa densaýlyq saqtaý mınıstrligi eldegi koronavırýs juqtyrýdyń alǵashqy jaǵdaıyn rastady, dep habarlaıdy QazAqparat GOV.SI portalyna silteme jasap.
Vırýs juqtyrǵan adam Slovenııaǵa Marokkodan Italııa arqyly kelgen. Aýrý belgileri baıqalǵan er adam qazir Lıýblıanadaǵy juqpaly aýrýlar aýrýhanasynda jatyr. Júrgizilgen zertteý oń nátıje berdi.
Ulttyq densaýlyq saqtaý ınstıtýtyndaǵy dáriger Maııa Sochannyń (Maja Sočan) aıtýynsha, elge atalǵan vırýsty Marokkoda koronavırýs juqtyrǵan naýqas ákelgen.
Instıtýt vırýstyń taralýynyń aldyn alý úshin er adammen baılanysta bolǵan adamdardy tabýy tıis. Ol Slovenııaǵa kelip, aýrýhanaǵa jatqanǵa deıin birneshe kún ótken.
