Slovenııa Prezıdenti Natasha Pırts-Mýsar Qazaqstanǵa resmı saparmen keledi
ASTANA. KAZINFORM – 31 naýryz – 1 sáýir kúnderi Slovenııa Prezıdenti Natasha Pırts-Mýsar Qazaqstanǵa resmı saparmen keledi. Bul týraly Aqordanyń baspasóz qyzmeti habarlady.
Sapar barysynda Prezıdent Qasym-Jomart Toqaevpen kelissóz júrgizip, saýda-ekonomıkalyq, ınvestıtsııalyq, kólik jáne mádenı-gýmanıtarlyq salalardaǵy ózara yntymaqtastyqtyń negizgi máselelerin talqylaý josparlanyp otyr.
Eki el arasyndaǵy iskerlik baılanysty damytýǵa aıryqsha nazar aýdarylyp, Qazaqstan-Slovenııa bıznes-forýmy ótedi. Slovenııa ekojúıelerdi qorǵaý jáne ornyqty damý bastamalaryn belsendi túrde ilgeriletip keledi.
Bul sapar ekijaqty qarym-qatynasty arttyrýǵa, sonyń ishinde ekologııa, ekonomıka jáne gýmanıtarlyq bastamalardy nyǵaıtýǵa tyń múmkindik beredi.
Aıta ketelik Memleket basshysy AQSh Kongresi Ókilder palatasynyń múshesi Kerol Mıllerdi qabyldaǵan edi.