Slovenııa eki ızraıldik mınıstrdi persona non grata dep jarııalady
ASTANA. KAZINFORM — Slovenııa úkimeti beısenbi kúni Izraıldiń ulttyq qaýipsizdik mınıstri Itamar Ben-Gvır men qarjy mınıstri Betsalel Smotrıchti persona non grata dep jarııa etti, dep jazady Sınhýa.
Úkimettiń málimdeýinshe, bul eki ýltraońshyl mınıstr ózderiniń «genotsıdtik» málimdemeleri arqyly zorlyq-zombylyq pen palestınalyqtardyń quqyqtaryn óreskel buzýǵa ıtermelep jatyr.
Slovenııanyń syrtqy ister mınıstri Tanıa Faıonnyń aıtýynsha, el osy qadamǵa barǵan Eýropalyq Odaqtaǵy alǵashqy memleket bolyp otyr.
Bul sheshim 2024 jylǵy 15 shildede Brıýsselde ótken Eýropalyq Odaq syrtqy ister mınıstrleriniń kezdesýinde Izraılge qarsy birlesken sharalar boıynsha kelisimge kele almaǵannan keıin qabyldandy.
Aıta keteıik, Slovenııa 2024 jyldyń maýsymynda Palestına memleketin resmı túrde moıyndaǵan. Sodan beri Lıýblıana Izraıldiń Gaza sektoryndaǵy áskerı operatsııalaryn ashyq synap, Izraılden shabýyldy toqtatyp, aımaqqa gýmanıtarlyq kómektiń kedergisiz jetkizilýine jol berýdi talap etip keledi.
Buǵan deıin elge resmı saparmen kelgen Slovenııa Prezıdenti Dımashtyń jankúıeri ekenin aıtqan edi.