Slovenııa Astana Smart City jobasyn iske asyrýǵa qyzyǵýshylyq bildirdi
ASTANA. KAZINFORM — Qazaqstan Respýblıkasynyń Slovenııadaǵy Elshisi Altaı Ábibýllaev Lıýblıana merııasynyń basshylyǵymen kezdesip, Astana men Lıýblıana arasyndaǵy baýyrlastyq qarym-qatynas ornatý jáne Astana Smart City bastamasy aıasynda qalalyq damý men tájirıbe almasý máselelerin talqylady. Bul týraly SІM baspasóz qyzmeti málim etti.
Bul baılanystar qala sharýashylyǵyn basqarýda tájirıbe almasýdyń, birlesken jobalardy iske asyrýdyń jáne eki el halyqtary arasyndaǵy ózara túsinistikti nyǵaıtýdyń mańyzdy platformasy retinde qarastyrylady.
— Slovenııalyq tarap Astananyń damý qarqynyna, «Oxford Economics 2025» ındeksindegi elordanyń ózekti ustanymyna, sondaı-aq 2025 jylǵy 24 jeltoqsanda Qazaqstan astanasy aldynda Qazaqstan Prezıdenti belgilegen basym mindetterge jáne Astana Smart City boıynsha bastamany iske asyrýǵa shynaıy qyzyǵýshylyq tanytty, — delingen habarlamada.
Taraptar qala qurylysy, mýnıtsıpaldy damý jáne qalalyq kommýnıkatsııa, qorshaǵan ortany qorǵaý, qala turǵyndarynyń qaýipsizdigi, qalalyq ınfraqurylymdy damytýdaǵy JI róli, elordalyq trafık jáne sheteldik týrıster men ınvestıtsııalardy tartý boıynsha tájirıbe almasýǵa erekshe nazar aýdardy.
Qazaqstan men Slovenııa arasyndaǵy dıplomatııalyq qatynastardyń 35 jyldyǵyna daıyndyq aıasynda taraptar birqatar birlesken mádenı is-sharalardy, Qazaqstannyń Lıýblıanadaǵy kúnderin iske asyrý jáne memleketterimiz ben olardyń astanalary arasyndaǵy uzaq merzimdi áriptestik pen dostyqty odan ári nyǵaıtý jónindegi bastamalardy talqylady.
Slovenııa Prezıdenti Natasha Pırts-Mýsar byltyr naýryz aıynda Qazaqstanǵa resmı saparmen kelgen bolatyn.
