Slovenia Nations Cup-2025: Qazaqstan jasóspirimder quramasy Shotlandııany jeńdi
ASTANA. KAZINFORM – Slovenııadaǵy Slovenia Nations Cup-2025 týrnırinde Qazaqstan U-19 fýtbol quramasy Shotlandııadan basym tústi.
Halyqaralyq týrnırdegi ekinshi oıynynda Qazaqstan jasóspirimder quramasy 2:1 esebimen jeńiske jetti.
Qazaqstandyqtar sapynan Ismaıl Bekbolat pen Azamat Týıaqbaev kózge tústi. Qarsylas komanda sapynan Djoshýa Landers gol soqty.
Eske sala keteıik, buǵan deıin alǵashqy oıynda Kırıll Keker jattyqtyratyn fýtbolshylar BAÁ quramasyn 5:1 esebimen jeńgen bolatyn.
