Slovakııanyń jańadan saılanǵan Prezıdenti jalaqydan bas tartty
ASTANA. QazAqparat - Slovakııanyń prezıdenti bolyp saılanǵan Andreı Kıska búgin, jeksenbide ant qabyldap, resmı túrde atalǵan laýazym qyzmetine kiristi, dep habarlaıdy Vestı.Ru.
«Andreı Kıska - bıznesmen, fılantrop, «Meıirimdi perishte» qaterli isik aýrýyna shaldyqqan balalarǵa kómek kórsetý qorynyń negizin salýshy. Saılaýshylarǵa onyń jemqorlyq pen bıýrokratııaǵa qarsy kúresýdegi naqty joldardy usynǵany unady», - dep jazady Interfaks.
Andreı Kıska 29 naýryzda respýblıka basshysy atandy. Jańadan saılanǵan prezıdent jalaqy alýdan múldem bas tartty. Memleket basshysy jylyna 600 myń eýro alady, al Andreı Kıskanyń jyldyq tabysy shamamen 700 myń eýrony quraıdy. Saılaýaldy kampanııaǵa jeke qarajatyn salǵan. Soǵan ketken shyǵyn, onyń aıtýynsha, Prezıdenttiń 5 jyldyq tabysynan asyp tústi.
