Slovakııalyq kompanııa ushatyn avtomobıl shyǵarmaq
ASTANA. QazAqparat - AeroMobil slovakııalyq kompanııasy ushatyn avtokóliktiń kommertsııalyq modeli úshin arnaıy tapsyrystar qabyldaı bastady.
AeroMobil Flying Car 3.0 tanystyrylymy Monakodaǵy Top Marques kórmesinde ótti. Sıpattamaǵa sáıkes, kólik quraly «tolyqtaı ıntegratsııalanǵan ushaq, sondaı-aq gıbrıdti qozǵaltqyshpen jabdyqtalǵan tolyq fýnktsıonaldy, tórt dońǵalaqty kólik» bolyp tabylady.
Onyń ushýy úshin ushaqtar sekildi, ushyp-qoný jolaǵy qajet.
Kompanııa 500 danadan aspaıtyn ushatyn avtomobıldi 2020 jylǵa qaraı shyǵarýdy josparlaýda. Onyń quny 1,2-1,5 mln eýrony quraıdy.
