Slovakııadaǵy qysqy ýnıversıadada qazaqstandyq shańǵyshy erler kúmis medaldi enshiledi
ASTANA. QazAqparat - Slovakııada ótip jatqan qysqy ýnıversıadada Qazaqstan ulttyq quramasynyń qorjyny búgin taǵy bir kúmis júldemen tolyqty.
Qazaqstannyń shańǵydan erler quramasy estafetalyq jarysta márege ekinshi bolyp jetti. Aleksandr Malyshev, Evgenıı Velıchko, Evgenıı Bondarenko, Mark Starostın tórttigi birinshi oryndy ıelengen reseılikterge eki mınýtqa jýyq ýaqytqa utyldy. Chehııalyq shańǵyshylar úshinshi orynǵa kóterildi.
Sóıtip Qazaqstan quramasy bir kúnde úsh kúmis júldege qol jetkizdi. Bul úsh jarysta da qazaqstandyqtar reseılik sportshylarǵa ese jiberdi.
Qazirgi kezde eki altyn, tórt kúmis medalmen qazaqstandyqtar komandalyq esepte Reseıden keıin ekinshi orynda keledi.
