Slovakııada tarıhyndaǵy onynshy referendým ótip jatyr
ASTANA. KAZINFORM — Slovakııada el tarıhyndaǵy onynshy referendým ótip jatyr, dep habarlaıdy Euronews.
Daýys berýge eki másele shyǵaryldy. Birinshisi — burynǵy premer-mınıstrler men basqa da joǵary laýazymdy tulǵalarǵa ómir boıy tólenetin tólemderdi alyp tastaý, ekinshisi — birneshe jyl buryn taratylǵan Arnaıy prokýratýrany qaıta qurý.
Referendýmdy parlamentten tys «Demokrattar» partııasy bastamashy boldy.
Bastapqyda daýys berýge qazirgi saılaý tsıklin qysqartý týraly úshinshi másele de shyǵarylýy tıis edi. Alaıda Prezıdent Peter Pellegrını bul usynysty Konstıtýtsııaǵa qaıshy dep tanyp, bıýlletennen alyp tastady.
Buǵan deıin Slovakııada toǵyz referendým ótken. Sońǵysy 2023 jyly Konstıtýtsııaǵa ózgerister engizý máselesine arnaldy. Osy ýaqytqa deıin tek 2003 jylǵy 2003 jylǵy Slovakııanyń Eýropalyq odaqqa kirýi jónindegi referendým ǵana jaramdy dep tanylǵan.
Onda azamattar eldiń Eýropalyq odaq quramyna kirýin qoldaǵan.
Sarapshylardyń pikirinshe, bul joly da referendýmnyń jaramdy bolýy ekitalaı. Ol úshin keminde 2,2 mıllıon saılaýshy, ıaǵnı daýys berý quqyǵy bar azamattardyń jartysynan kóbi qatysýy qajet.
Slovakııanyń Statıstıka basqarmasynyń málimetinshe, elde 4,3 mıllıonnan astam azamattyń daýys berý quqyǵy bar. Onyń ishinde 112 myń adam alǵash ret 5 542 saılaý ýchaskesiniń birinde daýys beredi.
Beıresmı qorytyndylar búgin túnde jarııalanady dep kútilse, resmı nátıjeler 5 shildede belgili bolady.
