Slovakııada prezıdenttik saılaýdyń ekinshi kezeńi bastaldy
ASTANA. QazAqparat - Slovakııadaǵy prezıdenttik saılaýdyń ekinshi kezeńinde Smer-SD sotsıal-demokratııalyq partııa kóshbasshysy Robert Fıtso men fılantrop Andreı Kıska bas úmitker sanalýda, dep habarlady VVS.
Sarapshylar olardyń daýys jınaý aıyrmasy onsha alshaq bolmaıtyndyǵyn aıtýda. Aıta keterligi, 15 naýryz kúni ótken saılaýdyń birinshi kezeńinde 14 kandıdattyń eshqaısy da qajetti daýys sanyn jınaı almaǵan bolatyn. Ol kezde Fıtso men Kıska arasyndaǵy daýys aıyrmasy nebári shamamen 4 paıyzdy quraǵan edi.
