Slovakııada prezıdenttik saılaý bastaldy
ASTANA. QazAqparat - Slovakııada prezıdenttik saılaý bastaldy. Eldegi barlyq saılaý ýchaskeleri búgin jergilikti ýaqyt boıynsha saǵat 7.00-de ashylyp, túngi 22.00-ge deıin jumys isteıtin bolady, dep habarlady sheteldik BAQ.
«Saılaýǵa daýys berý quqy bar Slovakııanyń 4 mıllıonnan astam azamaty qatysa alady», - dedi eldiń Statıstıka basqarmasynyń tóraıymy Lıýdmıla Benkovıchova. Onyń atap ótýinshe, eger alǵashqy kezeńde Slovakııa prezıdenti saılanbaıtyn bolsa, onda eki aptadan keıin 29 naýryzda daýys berýdiń ekinshi kezeńi ótkiziledi. Aıta keteıik, Slovakııanyń qazirgi memleket basshysy Ivan Gashparovıch 2009 jyldyń 4 sáýirinde ekinshi márte prezıdent bolyp saılanǵan edi. Al eldiń Konstıtýtsııasyna sáıkes ol úshinshi márte prezıdenttikke úmitker bola almaıdy.
El prezıdenttigine úmitkerlerdiń qatarynda Slovakııanyń qazirgi premer-mınıstri Robert Fıtsonyń múmkinshiligi zor bolyp otyr. Focus agenttiginiń sońǵy júrgizgen saýalnamalarynyń nátıjelerine qaraǵanda, birinshi aınalymnyń ózinde oǵan saılaýshylardyń 36,1 paıyzy daýys berýge daıyn. Al odan keıingi oryndarda 27,1 paıyzben qaıyrymdylyq sharalarymen aınalysatyn Andreı Kıska, 11,1 paıyzben eldiń burynǵy mádenıet mınıstri Mılan Knıajko tur.
