Slovakııada oqyǵysy keletin qazaqstandyqtarǵa grant bólindi

ASTANA. KAZINFORM – Halyqaralyq baǵdarlamalar ortalyǵy» AQ Slovakııa Respýblıkasynyń joǵary oqý oryndaryna oqýǵa qujattardy qabyldaı bastady. 

- Qazaqstan Respýblıkasy Bilim jáne ǵylym mınıstrligi men Slovakııa Respýblıkasynyń Bilim mınıstrligi arasyndaǵy memorandým aıasynda qazaqstandyq azamattarǵa magıstratýra men doktorantýrada oqýdan ótý múmkindigi ashyldy, - delingen halyqaralyq baǵdarlamalar ortalyǵynyń habarlamasynda.

Osylaısha tórt memlekettik grant bólinip otyr, ıaǵnı magıstranttarǵa 2 grant jáne doktoranttarǵa 2 grant.

Negizgi sharttary:

- Shákirtaqy magıstranttar men doktoranttardyń oqý saparlaryna arnalǵan (oqý merzimi: 3 aıdan 10 aıǵa deıin).

- Shákirtaqy dáreje alý úshin oqýdyń tolyq kýrsyn qamtymaıdy.

- Shákirtaqy kelesi shyǵyndardy qamtıdy:

- Magıstranttar úshin: aıyna 620 eýro.

- Doktoranttar úshin: aıyna 1025,50 eýro.

Medıtsınalyq saqtandyrý jáne jol aqysyn úmitker óz esebinen tóleıdi.

- Slovakııada bilim slovak tilinde (nemese cheh tilinde), sonymen qatar aǵylshyn tilinde júrgiziledi. Slovak (cheh) tilin bilý deńgeıi jetkiliksiz bolǵan jaǵdaıda, ótinishte aǵylshyn tilin bilý deńgeıin kórsetý qajet, - deıdi ortalyqtan.

Ótinim 2025 jylǵy 5 naýryzǵa deıin qabyldanady.

Aıta ketsek, jyl basynda mınıstrlik «Bolashaq» baǵdarlamasyna ózgerister engizildi.

Sondaı-aq «Bolashaq» arqyly daryndy oqýshylardy bakalavrıatqa qalaı túsirýge bolatyny týraly jazǵan edik.