Slovakııa prezıdenti koronavırýs juqtyrdy

AQSh-ta issaparmen júrgen Slovakııa prezıdenti Zýzana Chapýtovadan koronavırýs ınfektsııasy anyqtaldy. Bul týraly TASS aqparat agenttigi habarlady.

Pıttsbýrgte bolǵan Chapýtova aýrýyna baılanysty AQSh-taǵy saparynyń sońǵy kúni, keshe, 4 aqpanda iskerlik baǵdarlamasyn toqtatqan. Ol 1 aqpanda Kanadadan AQSh-qa kelip, keıin Kalıfornııaǵa ushyp barǵan.

Slovakııa Prezıdenti bıznesmender delegatsııasyna basshylyq etken. Olar Google shtab-páterinde boldy.

Prezıdent búgin Slovakııaǵa oraldy. Sondaı-aq onyń aldaǵy birneshe kúndegi jumys kestesinen bas tartqany anyqtaldy.