Slovakııa premer-mınıstri densaýlyǵynda kinárat baryn habarlady
ASTANA.KAZINFORM — Byltyr qastandyq jasalǵan Slovakııa premer-mınıstri Robert Fıtso sońǵy úsh kúnde densaýlyǵynda kinárat baryn ańǵardy. Bul týraly ol Facebook jelisindegi vıdeoúndeýinde málimdedi, dep habarlaıdy TASS.
— Sońǵy úsh kúnde meni qastandyq kezinde alǵan jaraqattarym mazalap júr. Meniń (jumys) baǵdarlamamnyń bir bóligin toqtatýǵa týra keldi, — dedi Fıtso.
Fıtsoǵa qastandyq 2024 jyldyń 15 mamyrynda Slovakııanyń batysyndaǵy Gandlova qalasynda jasaldy. Oǵan zeınetker jazýshy ıÝraı Tsıntýla oq atty. Ol sot úkimi shyqqanǵa deıin qamaýǵa alyndy. Premer-mınıstr birneshe jaraqat alyp, birqatar operatsııalar jasaldy. Ol 2024 jyldyń shildesinde ǵana óziniń qyzmettik mindetine oraldy. 10 sáýirde Fıtso qosymsha ota jasalýy kerek ekenin málimdedi.
Keıin Slovakııa premer-mınıstrine jasalǵan qastandyq lańkestik áreket retinde baǵalandy.
Shabýyl jasaǵan 71 jastaǵy jazýshy ıÝraı Tsıntýla shabýyl ornynda ustaldy.