Slovakııa mal azyǵyna arnalǵan jobaǵa 14 mln eýro ınvestıtsııa salýǵa daıyn
AQTÓBE. QazAqparat - Aqtóbege Slovakııanyń Qazaqstandaǵy Tótenshe jáne ókiletti elshisi Peter ıÝza keldi. Slovakııa ınvestorlary Aqtóbeniń Mártók aýdanyna mal azyǵyn daıyndaıtyn kásiporyn salady, dep habarlaıdy QazAqparat tilshisi.
Aqtóbe oblysynda shetel ınvestorlaryn tartý jumysy jalǵasyp jatyr. Oblys ákimi Berdibek Saparbaev óńirge kelgen Slovakııanyń Qazaqstandaǵy Tótenshe jáne Ókiletti Elshisi Peter ıÝzamen kezdesti.
«Eki el arasyndaǵy qarym-qatynas jaqsy jolǵa qoıylyp, Aqtóbedegi Muz aıdynynyń qurylysyna «H+H TECHNIKA» (Slovakııa) JShS-iınvestıtsııa saldy. Memlekettik-jekeshelik áriptestik mehanızmin qoldana otyryp, júzege asyrylyp jatqan joba quny 3 mıllıard teńgeni qurady. Aqtóbe oblysy men Slovakııa arasyndaǵy taýar aınalymy 2017 jyly 2,4 mıllıon dollardy qurady. Bizdiń áriptestik áleýetimiz budan da joǵary bolatynyna senemiz»,- dedi oblys ákimi Berdibek Saparbaev.
Slovakııa elshisi Peter ıÝza bilim jáne týrızm salasyndaǵy qarym-qatynasty nyǵaıtýǵa qyzyǵýshylyq bildirip otyr. Sonymen qatar, aqtóbelik bıznes-qaýymdastyqty 10-11 sáýirde Bratıslavada ótetin ınvestıtsııalyq forýmǵa qatysýǵa shaqyrdy.
«EKSPO-2017» halyqaralyq kórmesinde slovakııalyq pavılon bezendirý men kórmeniń maǵynasyn ashýy jaǵynan ekinshi oryn aldy. Bizdiń eldiń delegatsııasyna 396 adam kirdi. Onyń tórteýi mınıstr, ózgesi kásipkerler. Bizdiń pavılondy 396 myń adam kórdi. Bári de óte jaqsy ótti»,- dedi elshi Peter ıÝza.
Aıta keteıik, kezdesýde eki el ınvestorlary kelisimge qol qoıdy. Aldaǵy ýaqytta «AgroSoıýz M» JShS-i mal azyǵyn shyǵarady. Munda saǵatyna 31 tonna jem men 3 tonna qospa óndiriledi. Zaýyt Mártók aýdanyna salynady. Joba quny - 14,4 mıllıon eýro.
