Slovakııa - Qazaqstannyń Eýropalyq odaqtaǵy mańyzdy ári senimdi seriktesi - Prezıdent
ASTANA. KAZINFORM – Slovakııa Qazaqstannyń Eýropalyq odaqtaǵy mańyzdy ári senimdi seriktesi. Bul týraly Aqordada elimizge resmı saparmen kelgen Slovakııa Premer-mınıstri Robert Fıtsomen keńeıtilgen quramdaǵy kelissóz barysynda Memleket basshysy Qasym-Jomart Toqaev aıtty.
- Shaqyrýymdy qabyl alǵanyńyz úshin rızashylyǵymdy bildiremin. Sizdiń saparyńyz óte mańyzdy. Óıtkeni, ol bizdiń ózara qarym-qatynasymyzǵa jaqsy serpin beredi. Qazir ǵana biz belgili bir taqyryptar aıasynda, túrli saladaǵy ekijaqty yntymaqtastyǵymyz aıasynda shynymen de jemisti kelissóz ótkizdik. Árıne, birinshi kezekte ekonomıkalyq aspektide. Belgili bir salmaqty nátıjelerge qol jetkizetindigimizge senimdimin. Sebebi yntymaqtastyǵymyz jalǵasa beredi. Slovakııa Qazaqstannyń Eýropalyq odaqtaǵy mańyzdy ári senimdi seriktesi. Sizdiń elińiz Eýropalyq odaqtaǵy eń belsendi ári qarqyndy damyp kele jatqan memleketterdiń biri sanalady, - dedi Qasym-Jomart Toqaev.
Osy oraıda Prezıdent bul jetistikterdiń basym bóligine Slovakııa Robert Fıtsonyń arqasynda qol jetkizip otyrǵanyn atap ótti.
- Slovakııanyń óńirlik jáne halyqaralyq aspktidegi belsendi ustanymy sizdiń syndarly álemdik yntymaqtastyqqa beıil ekendigińizdi bildiredi. Shyn máninde saıası dıalogtyń, ekonomıkalyq yntymaqtastyq pen gýmanıtarlyq alys-beristiń arta túskenin, sonymen qatar kópqyrly aspektide jemisti ózara is-qımyldy joǵary baǵalaımyn, - dedi Memleket basshysy.
Buǵan deıin Memleket basshysy Qasym-Jomart Toqaev Slovakııa Premer-mınıstri Robert Fıtsomen shaǵyn quramda kelissóz júrgizgenin jazǵan edik.