Slovakııa eks-premer mınıstriniń partııasy saılaýda jeńiske jetti

Slovakııanyń burynǵy premer-mınıstri Robert Fıtso jetekshilik etetin «Baǵyt – áleýmettik demokratııa» partııasy eldiń Ulttyq keńesinde (bir palataly parlament) senbi kúni ótken saılaýdyń aldyn ala qorytyndysy boıynsha jeńiske jetti. Bul týraly 98,13% daýys berý ýchaskesiniń derekterin óńdegen eldiń Statıstıka basqarmasy málim etti, dep habarlaıdy QazAqparat agenttigi Anadolyǵa silteme jasap.

Aqparat boıynsha, eks-premer partııasy saılaýshylardyń 23,42% qoldaýyna ıe bolǵan.

Odan keıingi orynda 16,75% daýys jınaǵan «Ozyq Slovakııa» qozǵalysy tur.

Úshinshi qatardy burynǵy premer Peter Pellegrınıdiń «Daýys – áleýmettik demokratııa» partııasy ıelendi. Olardy saılaýshylardyń 15,07% qoldaǵan.

Jarııalanǵan aqparat boıynsha, Ulttyq keńeske 7 saıası kúsh ótedi.