Slovakııa chempıony «Astanany» áreń jeńdi
ASTANA. QazAqparat - Dýbaıdaǵy oqý-jattyǵý jıynynda «Astana» Slovakııanyń qazirgi chempıony «Jılına» klýbymen joldastyq kezdesý ótkizdi, dep jazady Sports.kz.
«Astana» sapynda Erıch, Shomko, Logvınenko, Anıchıch, Beısebekov, Maevskıı, Klıaınhaısler, Stanoevıch, Tomasov, Despotovıch, Kabananga sııaqty basty quram oınady.
Oıynnyń birinshi jartysynda tartys bolǵan joq. Qaýipti sátter sırek uıymdastyrylǵandyqtan gol soǵylǵan joq.
Ekinshi taımda «Astana» sapynda Erıch, Shomko, Postnıkov, Shıtov, Anıchıch, Zaınýtdınov, Maevskıı, Stanoevıch, Kabananga, Mýrtazaev, Tomasov óner kórsetti.
Slovaktar 48 mınýtta gol soqty. Gol avtory - Lýkash ıAnoshık. «Astana» qansha umtylǵanymen budan keıin esepti teńestire almady. Oıyn 1:0 esebimen aıaqtaldy.
Aıta keterligi, bul «Astananyń» oqý-jattyǵý jıynyndaǵy úshinshi oıyny. Reseıdiń «Spartagyn» 3:2, «Krasnodaryn» 3:1 esebimen jeńgen Stanımır Stoılovtyń komandasy endi qysqa merzimdik demalys alady. Alda Eýropa Lıgasynyń pleı-off kezeńi, portýgaldyq «Sportıng» kútip tur.
