Slekıshınanyń túrmedegi jazasy qysqartylmaıtyn boldy
ALMATY. QazAqparat - QR ІІM Qylmystyq atqarý júıesi komıtetiniń LA-155/18 memlekettik mekemesiniń tergeý abaqtysynda zorlanǵan Natalıa Slekıshınanyń túrmedegi jazasyn qysqartý týraly ótinimdi Almaty oblysy Іle aýdanynyń soty onyń qorǵaýshysyna keri qaıtaryp berdi, dep habarlady QazAqparat tilshisi.
Aıta keteıik, buǵan deıin N.Slekıshına túrmedegi merzimin qysqartýdy surap Almaly sotyna onyń advokaty Aıman Ýmarova ótingen bolatyn. Eske sala keteıik, N.Slekıshınanyń ózi azamattyq nekedegi kúıeýiniń úıine qaraqshylyq shabýyl jasaǵany úshin sottalyp, qazirgi ýaqytta jazasyn ótep jatyr.
30 qyrkúıek kúni Almaty qalasynyń Túrkisib aýdandyq sotynda túrmedegi Natalıa Slekıshınanyń isine qatysty aıyptalýshyǵa úkim shyqqan bolatyn.
Sot úkimimen LA-155/18 Qylmystyq atqarý júıesi tergeý abaqtysynyń burynǵy qyzmetkeri, N.Slekeshınany zorlaǵan Rýslan Hakimov 9 jylǵa bas bostandyǵynan aıyryldy. Ol jazasyn jalpy rejimdegi kolonııada óteıdi. Sonymen qatar, ol ádilet maıory sheninen aıyryp, ómirboıy memlekettik qyzmette jumys jasaýyna tyıym saldy.
Aıta keteıik, Rýslan Hákimovke qatysty qylmystyq is Almaty qalasynyń Túrkisib aýdandyq sotyna 26 shildede túsken.
Basty kúdikti Rýslan Hákimovke QR Qylmystyq Kodeksiniń 362-shi baby 4-shi tarmaǵynyń 1-shi bóligi (qyzmet babyn asyra paıdalaný) jáne 120-shy baby 2-shi tarmaǵynyń (zorlaý) 4-shi bóliginde (áldeneshe ret) qarastyrylǵan quqyq buzýshylyqtardy jasaǵan degen aıyp taǵylǵan.
Sotqa deıingi tergeý amaldary 25 shildede aıaqtalǵan.
