«Slavıan bazary-2014» festıvalinde jarylǵysh zat qoıylǵany anyqtalmady
ASTANA. QazAqparat -Belarýstiń Vıtebsk qalasynda 11 shilde kúni túnde belgisiz bireý 102 telefonyna qońyraý shalyp «Slavıan bazary-2014» festıvali ótip jatqan jerde jarylys bolatyny jaıly habarlaǵan.
Alaıda jarylǵysh zat qoıylǵany týraly aqparat jalǵan bolyp shyqqan.
«Bul jalǵan habardy Iskra derevnıasynyń 1964 jyly týylǵan esh jerde jumys istemeıtin azamatynyń jetkizgeni belgili boldy. Ol narkolog dárigerdiń esebinde turǵan azamat bolyp shyqty», - dep habarlady qalanyń ІІB.
Anyqtalǵandaı, er adam bul qońyraýdy shalmas buryn birneshe kún boıy ishimdik ishken. Іshimdik alýǵa aqshasy taýsylǵan sátte ol osyndaı óreskel áreketke barǵan. Ol sondaı-aq quqyq qorǵaý organy qyzmetkerlerine «túsinde terakti bolatyny týraly kóripkeldiń aıan bergenin» aıtqan. Endi psıhatrııalyq saraptamadan ótken soń aqyl-esiniń durystyǵy anyqtalsa, «janashyr habarshyǵa» qatysty qylmystyq is qozǵalmaq, dep jazady BELTA.
