«Slavııa» men «Astana» arasyndaǵy sheshýshi oıynǵa ıtalııalyqtar tórelik etedi
ASTANA. QazAqparat - ÝEFA Eýropa Lıgasy toptyq kezeńiniń 6-týry aıasyndaǵy «Slavııa» - «Astana» matchyna Davıde Massa basshylyǵyndaǵy ıtalııalyq tóreshiler brıgadasy bekitildi, dep habarlaıdy «Astana» FK baspasóz qyzmeti.
36 jastaǵy tóreshi osymen bıylǵy Eýropa Lıgasyndaǵy ekinshi kezdesýine tórelik etkeli otyr. Úshinshi týrda ol «Braga» - «Lýdogorets» matchyn basqarǵan bolatyn. Bolgarlardyń 2:0 esebindegi jeńisimen aıaqtalǵan sol oıynda Massa 4 sary qaǵaz kórsetken.
Ol tórelik etken osy maýsymdaǵy aıtýly matchtardyń qatarynda «ıÝventýs» pen «Latsıo» arasyndaǵy Italııa Sýperkýbogynyń oıyny da bar.
Davıde Massaǵa Fılıppo Melı men Alberto Tegonı kómektesedi, qosalqy assıstentter: Paolo Matsolenı jáne Antonıo Damato. Rezervtegi tóreshi: Andrea Krıspo.
Match Praganyń «Eden Arena» stadıonynda jeltoqsannyń 7-sinen 8-ine qaraǵan túnde Astana ýaqytymen 00:00-de bastalady.
