SkyTerra-1 baılanys jelisi bar "Proton-M" zymyrany Baıqońyrdan ǵaryshqa kóterildi
ASTANA. 16 qarasha. QazAqparat - 14 qarashada Amerıkan-kanada telekommýnıkatsııalyq MSV-1 serigi (seriginiń kommertsııalyq ataýy - SkyTerra-1) orbıtaǵa maqsatty túrde tabysty kóterildi, - dep habarlaıdy Hrýnıchev atyndaǵy Memlekettik ǵylymı-óndiristik ǵarysh ortalyǵyna silteme jasap, RBK.
«Máskeý ýaqytymen 20 saǵat 29 mınýtta Baıqońyr ǵarysh aılaǵyndaǵy №200 ushyrý alańynyń 39-shy ushyrý qondyrǵysynan amerıkandyq telekommýnıkatsııalyq ǵaryshtyq «MSV-1» apparatymen «Brız-M» údetkishi bar jáne ǵaryshtyq maqsattaǵy «Proton-M» zymyrany sátti ushyryldy, delingen habarda.
Reseı ǵaryshtyq vedomstvosy habarlaǵandaı, ǵaryshtyq ınfraqurylymnyń jerdegi barlyq qyzmeti, ǵarysh aılaǵynyń ushyrý esebi men tapsyrys berýshilerdiń ókilderi úılesimdi ári naqty jumys kórsetti.
20 saǵat 39 mınýtta zymyran tasymaldaǵyshtyń úshinshi satysynan ǵaryshtyq apparaty bar údetkish býyn bólip shyqty. Bastapqy apparat negizgi orbıtaǵa shyǵaryldy.
Ǵaryshtyq apparatty odan arǵy dál orbıtaǵa shyǵarý údetkish bloktyń marshtyq qozǵaltqyshyn 5 ret iske qosý arqasynda júzege asyrylady, dep túsindirdi Roskosmostan.
Apparatty ǵaryshqa shyǵarý ýaqytynyń jalpy uzaqtyǵy 9 saǵat 14 mınýt boldy. Ǵarysh apparatynyń údetkish bloktan bólinýi 15-shi qarashanyń 5 saǵat 43 mınýtyna josparlanǵan delingen habarda.
