«Sky News Arabia» túsirý toby Sırııada joǵalyp ketti
ASTANA. 18 qazan. QazAqparat - «Sky News» telearnasynyń arab nusqasy Sırııadadaǵy qaqtyǵysty jarııalaýmen aınalysýdaǵy úsh jýrnalısten quralǵan túsirý tobymen baılanys úzilgeni týraly habarlady.
Atap aıtqanda, telearna efıri arqyly barlyq múddeli taraptarǵa, gýmanıtarlyq uıymdarǵa «Sky News Arabia» reportery Isaak Mohtar, foto tilshi Samır Kassab, sondaı-aq, túsirý tobynyń júrgizýshisi týraly qandaı da bir málimetti habarlaý týraly ótinishpen úndeý jarııalandy.
Olarmen baılanys seısenbi kúni tańerteń «Id al Adha» musylman meıramynyń birinshi kúni úzilgeni belgili. Jýrnalıster Sırııanyń soltústiginde ornalasqan Aleppo qalasynyń aýdanynda joǵalǵan. Eki tarap atalǵan strategııalyq mańyzdy qalany baqylaýdy kúsheıtýge kúresýde.
«Sky News Arabia» arab tildi telearnasynyń ortalyq keńsesi Ábý-Dabıde negizdelgen. Arna Taıaý Shyǵys elderine habar taratady, BAQ shtatynda tórt júzden astam tilshi jumys isteıdi.
