Skýter mingen jigit júk kólikteriniń dońǵalaqtary arasynda qalyp qoıdy
ASTANA. QazAqparat - Ǵalamtorda skýter mingen jigittiń birneshe júk kólikteriniń arasynda apatqa ushyrap,áýpirimmen aman qalǵandyǵy jaıly vıdeorolık keńinen tanymal boldy.
Bul, kórgen jannyń júregine qorqynysh uıalatatyn apat Avstralııadaǵy kúre joldardyń birinde oryn aldy.
Vıdeoda skýterge mingen jas jigittiń júk kólikteriniń arasymen ótpek bolǵan kezi, biraq ony basqara almaı bir avtomobıl dońǵalaǵynyń týra astyna qulaǵany kórinip-aq tur. Dońǵalaq soqqysy basyndaǵy shlemge tıgen. Ajaly joq azamat jeńil-jelpi jaraqatpen qutyldy.
