Skrıpkashy Lana jańa 5-shi jeke albomyn jazýda
ALMATY. Qańtardyń 9-y. QazAqparat /Názıra Eleýhan/ - Tanymal skrıpkashy Lana «Qazaqfılm» kınostýdııasynyń jańa pavılonynda «Millenium» dep atalatyn jańa beıne klıpin túsirip jatyr,
dep habarlaıdy QazAqparat.
5-shi jeke albomyna Lana «VI sound» dep atalatyn kásibı Máskeý stýdııasynda, Reseıdiń tanymal kompozıtory jáne óńdeýshi Valerıı Paramonovpen úsh kompozıtsııa jazyp keldi. Lananyń aıtýynsha, ol kompozıtsııalardyń mýzykalary aldyńǵy albomdarǵa esh uqsamaıdy.
«Meniń jańa beıne jumysym men týraly qalyptasqan beınemdi, dúnıe tanymymdy ózgertedi. Ulttyq mýzykaǵa qyzyǵýshylyǵym, Qurmanǵazynyń "Kisen ashqan" kúıin tańdaýyma sebep boldy. Ol kúı - meniń mýzykalyq taqyrybymnyń negizi bolady», dedi Lana.
«Millenium» dep atalatyn jańa beıne klıptiń rejıssery Konstantın Sarkısıannyń aıtýynsha, Lananyń jańa týyndysy kórermenderdi tań qaldyrmaı qoımaıdy, ol klıp - naǵyz psıhologııalyq drama.
Lananyń alǵashqy dıski 1997 jyly «Kaleıdoskop» degen atpen shyqqan bolatyn. 4-shi albomy 2005 jyly «Tanets ognıa» degen atpen shyqty.
