Skrınıngten ótýge qansha kún ketedi
NUR-SULTAN. QazAqparat - Qazaq onkologııa jáne radıologııa ınstıtýtynyń basqarma tóraıymy Dılıara Qaıdarova aǵzany skrınıngten ótkizýge qansha kún ketetindigin aıtty, dep habarlaıdy QazAqparat tilshisi.
«Búkil qoǵamymyz úshin skrınıng máselesi óte mańyzdy bolyp qala beredi. Olar isik aýrýlaryn erte anyqtaýǵa septigin tıgizedi. Buǵan qosa, skrınıng barysynda obyrdan bólek qant dıabeti, qan qysymy, gıpertonııa syndy aýrýlar anyqtalyp jatady. Sondyqtan skrınıngten ótýge naqty bir ýaqytta belgileý óte mańyzdy. Muny jumys berýshilerge de aıtyp jatyrmyz», - dedi ol QR Densaýlyq saqtaý mınıstrliginiń Instagram paraqshasynda ótken onlaın brıfıngte.
Osy oraıda ınstıtýt basshysy skrınıngten ótýge qansha ýaqyt ketetindigin de aıtyp berdi.
«Bul skrınıngterdi ótip shyǵýǵa 2 kún jetkilikti dep oılaımyz. Oǵan holesterındi, qantty, qan qysymyn ólsheý jáne bizdiń onkologııalyq skrınıngter kiredi. 2018 jyldan beri onkologııa boıynsha skrınıng ádisterin ózgerttik. Bul skrınıngten ótý úshin jumys berýshi eki kún berýi tıis. Menińshe, jumys berýshi jumysshysyna 2 kún beredi dep oılaımyn. Bul óte mańyzdy. Sebebi, onkologııalyq aýrýǵa shaldyqqandar sany artyp keledi. Bizde ólim-jitim reıtınginde birinshi orynda júrek-qan tamyr aýrýlary, ekinshi orynda jol-kólik oqıǵalary, úshinshi orynda onkologııa tur», - dedi Dılıara Qaıdarova.
