Skoda jurtshylyq nazaryna 14 jańa kólik modelderin usynbaq
ASTANA. QazAqparat - Alpaýyt cheh avtokólik óndirýshisi Skoda jurtshylyq nazaryna avtomobılderiniń birqatar jańa modelderin usynbaq, dep habarlaıdy Segodnıa.ua.
Skoda kompanııasy Jenevada aǵymdaǵy jyldyń 4 naýryzynda bastalatyn kórmede 14 jańa avtomobıl túrlerin kórsetpek. Olardyń qandaı modelder ekeni ázirge jarııalanbaı otyr, biraq jarnamasynan onda VisionD eskızderiniń bolatyny málim bolǵan.
Jańa kólikter tiziminde ótkizgishtigi joǵary Skoda Octavia Scout ámbebap kóligi men VisionC bolatyny sózsiz. Sondaı-aq beıresmı aqparat kózderine qaraǵanda, chehtyń avtomobıl óndirýshisi Shveıtsarııada Fabia kontseptin usynbaq.
Kólik qurastyrýshylar atalǵan 14 avtomobıl túrinen ázirge tek ekeýin ǵana atady, sondyqtan Skoda tutynýshylaryna tosyn syı jasaýy ábden múmkin.
