SQO júrgizýshilerine 1 mln. teńge aıyppul salynýy múmkin
PETROPAVL. QazAqparat - Úsh kún ishinde qala men oblys joldarynda 1621 jol qozǵalysyn buzýshylyq anyqtaldy, dep habarlaıdy «QazAqparat» HHA tilshisi SQO ІІD baspasóz qyzmetine silteme jasaı otyryp.
Osy kúni ustalǵan 42 júrgizýshi, mas kúıinde bolǵan. Taıynsha qalasynyń 58 jastaǵy turǵynyna qatysty «Mas kúıinde kólik quralyn basqarǵany úshin quqyǵynan aırylǵan tulǵanyń kólik quralyn basqarýy» QR QK 346-babynyń 1-bóligi boıynsha sotqa deıingi tergeý bastaldy. Oǵan 500 myń aılyq eseptik kórsetkish túrinde aıyppul nemese qoǵamdyq jumystar, nemese 90 táýlik merzimge abaqtyǵa qamaý jazasy berilýi múmkin. Osy jylǵy shildede bul adam kólikti mas kúıinde aıdaǵany úshin júrgizýshi kýáliginen aıyrǵan.
Nebári úsh kún ishinde kólik quralyn basqarýǵa quqyǵy joq 58 júrgizýshi ustalǵan. 34-i - jyldamdyqty shamadan tys arttyrǵan. 360 júrgizýshi nemese olardyń jolaýshylary qaýipsizdik belbeýin taqpaǵan. 247-si - rýlde kele jatyp telefonmen sóıleskender.
19 soltústikqazaqstandyq júrgizýshi baǵdarshamnyń ruqsat etilmegen belgisinde júrip ótken. Buzýshylar arasynda jaıaý júrginshiler de bar, olar ruqsat etilmegen jerden nemese baǵdarshamnyń tyıym salǵan belgisine qaramaı joldy kesip ótken.
