SQO joldarynda jyldamdyq rejımin buzýdyń 294 deregi tirkeldi
PETROPAVL. QazAqparat - SQO joldarynda 8 kúnniń ishinde jyldamdyq rejımin buzýdyń 294 deregi tirkeldi, dep habarlaıdy QazAqparat Polisia.kz-ke silteme jasap.
Patrýldik polıtseıler óreskel buzýshylyqtardyń jáne kólik apattarynyń aldyn alý boıynsha keshendi jumystardy júrgizýde. 14 qyrkúıekte oblys joldarynda bastalǵan «Jol-kólik oqıǵasyn toqtataıyq!» aktsııasy aıasynda profılaktıkalyq reıdter kúsheıtildi.
Astana-Petropavl avtojolynyń 454-shaqyrymynda SQO Polıtsııa departamenti patrýldik polıtsııa qyzmetkerleri Lexus sedanynyń júrgizýshisi tarapynan jyldamdyqty asyrý faktisin anyqtady. 24 jastaǵy júrgizýshi Petropavlǵa ruqsat etilgen saǵatyna 100 shaqyrym jyldamdyǵymen emes, saǵatyna 133 shaqyrym jyldamdyǵymen kele jatqan. Nátıjesinde oǵan qatysty QR ÁQBtK 592-baby 2-bóligi boıynsha hattama toltyryldy.
Osyndaı quqyq buzýshylyq úshin 31 jastaǵy Mercedes kóliginiń júrgizýshisi de ákimshilik jaýapkershilikke tartyldy. Er adam belgilengen jyldamdyqty Kókshetaýdan Petropavlǵa bara jatqanda asyrǵan. Osy fakti boıynsha Ákimshilik kodeksiniń 595-baby boıynsha hattama toltyryldy.
Eki buzýshylyq ta profılaktıkalyq reıdtiń bir saǵaty ishinde Astrahanka aýylynyń mańyndaǵy respýblıkalyq mańyzy bar jolda anyqtaldy. Tájirıbe kórsetkendeı, qala syrtyndaǵy joldarda tirkeletin barlyq jol-kólik oqıǵalarynyń úshten biri jyldamdyq rejımin buzý sebebinen oryn alady.
«Apattylyq deńgeıin turaqtandyrý úshin, «Jol-kólik oqıǵasyn toqtataıyq!» aktsııasy aıasynda oblys avtojoldarynda polıtsııa jasaqtarynyń sany kóbeıtildi. Jyldamdyq rejımin saqtaýǵa, basyp ozý, qarsy kelý, manevrleý erejelerin saqtaýǵa sondaı-aq, masań kúıde ne basqarý quqyǵynan aıyryla tura kólik tizginine otyrý faktileriniń jolyn kesýge erekshe nazar aýdaryldy. SQO PD PPB jeke quramy egis naýqany kezinde paıdalanatyn aýyl sharýashylyq jáne aqyryn júretin kólikterdiń júrgizýshileri arasynda túsindirý jumystaryn júrgizýge baǵdarlanǵan, alaıda, olardyń arasynda jol qozǵalysy erejelerin óreskel buzatyndary bar», – deıdi SQO PD PPB komandıriniń mindetin atqarýshy Rýslan Sadýlov.
Aktsııanyń 8 kúni ishinde oblys joldarynda JQQ 2641 buzýshylyǵy anyqtaldy. Kóbine júrgizýshiler jyldamdyq rejımin buzǵan – 294 fakti; qaýipsizdik beldikterin taqpaý – 230; rólde otyryp telefon paıdalaný – 159 fakti. Masań kúıde kólik quralyn basqarǵan 38 júrgizýshi ustaldy.
Foto: polisia.kz
