SQO joldaryn qardan tazalaýǵa bıyl 943 mln teńge bólindi

PETROPAVL. QazAqparat – Soltústik Qazaqstan oblysy ákimdiginde óńir joldaryn qysta kútip ustaýǵa arnalǵa jıyn ótti, dep habarlaıdy QazAqparat tilshisi.

SQO ákimi baspasóz qyzmetiniń málimetinshe, óńirde 9 myńǵa jýyq shaqyrym jol qys boıy nazarda bolady. Onyń ishinde únemi qar alyp qalatyn 549 ýchaske bar. Joldardy kútip-ustaýǵa bıyl 943 mln teńge bólingen. Bul 2018 jylmen salystyrǵanda 1,6 ese kóp.

Petropavl qalasyn qardan arshýǵa qoldanylatyn arnaıy tehnıka men adamdardyń sany bıyl 20% artty. Nátıjesinde oblys ortalyǵynyń 300 km jolyn qamtýǵa múmkindik bar.

«Turǵyndarǵa joldardy qardan tazalaýǵa qansha qarajat, qum jumsalatyny mańyzdy emes. Olar atqarylyp jatqan jumystardyń nátıjesin kórýleri tıis. Kópshilikke qoljetimdi karta jasaý kerek. Ol jerde ár turǵyn kommýnaldyq qyzmettiń jumysymen tanysyp, qaı kósheniń tazalanyp jatqanyn kórýi kerek.

Merdigerlerdiń jumysyn baqylaýda ustaý qajet. Bul iske jurtshylyqty tartyp, gazon, bordıýrlerdi búldirýge jáne kóshetterdi syndyrýǵa jol bermeý kerek. PIK-ter aýlalardan qardy shyǵarady, kommýnaldyq qyzmetter ony artyp alyp ketedi. Bıznes sýbektileri de óz aýmaqtarynyń taza bolýyna jaýap beredi», - dedi jıyn barysynda SQO ákimi Qumar Aqsaqalov.