SQO joldary dızel otynymen júretin kólikter úshin jabyldy
PETROPAVL. QazAqparat - Soltústik Qazaqstan oblysynda dızel otynymen júretin kólikterdiń qozǵalysyna shekteý qoıyldy, dep habarlaıdy QazAqparat tilshisi.
Tótenshe jaǵdaılar departamenti baspasóz qyzmetiniń málimdeýinshe, joldy jabýǵa úskirik aıaz sebep bolǵan.
«Aýa temperatýrasynyń mınýs 39 gradýsqa deıin tómendeýine baılanysty 24 jeltoqsan kúni 17:00-den 25 jeltoqsan kúni 08:00-ge sheıin respýblıkalyq jáne oblystyq mańyzy bar joldarda dızel otynymen júretin jolaýshylar jáne júk tasymaldaıtyn avtokólik quraldarynyń qozǵalysy shekteledi», - deıdi baspasóz qyzmetiniń ókilderi.
Eske sala keteıik, 25-26 jeltoqsan kúnderi óńirde aýa temperatýrasy mınýs 40 gradýsqa deıin tómendeıdi.
Olesıa Jýkoven
