SQO joldarynda qysta 200-den astam jylytý beketi jumys istemek
PETROPAVL. KAZINFORM – Soltústik Qazaqstan oblysynyń jergilikti mańyzy bar joldarynda qys ýaqytynda 108 tehnıka jumys istemek. Trassany qardan tazartýǵa jeti uıym jumyldyrylǵan.
SQO jolaýshylar kóligi jáne avtomobıl joldary basqarmasynyń málimetinshe, óńirdegi jergilikti avtomobıl joldarynyń jelisi 6,4 myń shaqyrym, onyń ishinde oblystyq mańyzy bar joldardyń uzyndyǵy – 2 myń km bolsa, qalǵany aýdandyq mańyzy bar joldar. Jergilikti mańyzy bar avtojoldarda 1 jol ótpesi, 33 kópir jáne 1 380 sý ótkizý qubyry ornalasqan.
Oblystyq mańyzy bar avtomobıl joldaryn bıylǵy qysqy kezeńde kútip ustaýǵa 13 aýdan boıynsha 7 uıym jumyldyrylady. Olar: Aıyrtaý aýdany boıynsha – «Qyzyljar joldary KZ» JShS, Aqjar aýdany boıynsha – «Kókshetaý Joldary» JShS, Qyzyljar aýdany boıynsha – «QazTechProject» JShS, aýdan boıynsha. Ǵ.Músirepov atyndaǵy aýdanynda – «Jasyl Esil» JShS, Tımırıazev aýdany boıynsha – «TehStroı – Temir» JShS, Jambyl jáne Mamlıýt aýdandary boıynsha – «Injınırıng MK» JShS, Aqqaıyń, Esil, Ýálıhanov, Taıynsha, M.Jumabaev jáne Shal aqyn aýdandary boıynsha – «Petropavl Joldary» JShS. Joldardy ashyp, tazartýǵa barlyǵy 108 tehnıka daıyn tur, jumysqa 131 adam jáne 11 jol-paıdalaný pýnktteri tartylady.
«Bıyl oblystyq mańyzy bar avtomobıl joldarynda shamamen 40 myń m2 aýmaqta shuńqyr tegisteldi. 120 jol belgisi aýystyryldy, 350-ge jýyq jańadan jol belgisi ornatyldy. Sondaı-aq, avtojoldardy qysqy kezeńge daıyndaý úshin 20 qazannan bastap jol shetindegi shóp-butalar julynyp, sý ótkizgish qubyrlardy jabý jáne kóktaıǵaqqa qarsy materıaldar men reagentterdi daıyndaý jumystary júrgizilip jatyr. Osy jyldyń 15 jeltoqsanyna deıin 2025-2026 jyldarǵa arnalǵan avtomobıl joldaryn kútip ustaýǵa konkýrstyq rásimderdi aıaqtaý jáne sharttar jasaý josparlanǵan. 10 aýdanda osy jyldyń sońyna deıin qysqy kútip ustaýǵa arnalǵan sharttar bar, 16 merdiger uıym jumyldyrylǵan, 111 qar tazalaý tehnıkasy daıyn. 3 aýdanda konkýrstyq rásimder osy jyldyń 1 qarashasyna deıin ótedi», - deıdi basqarma basshysy Erden Shortybaev.
Jergilikti mańyzy bar joldarda boranda qar alatyn 266 ýchaske bar, onyń uzyndyǵy 863 km. Olardyń ishinde qar alatyn asa qaýipti «Ershovka-Aryqbalyq-Chıstopole», «Saýmalkól-Novoıshımskoe-Chervonnoe», «Blagoveşenka-Qaırankól», «Pokrovka-Korneevka-Gornoe» baǵyttary bar.
«Aıaz-boranda jolda qalǵan júrgizýshiler men jolaýshylardy qabyldaıtyn 213 jylytý pýnkti jumys isteıtin bolady. Olar qoldanystaǵy avtostantsııalar men jol uıymdarynyń ákimshilik ǵımarattarynda jáne oqý oryndary men jergilikti ákimshilik ǵımarattarda ornalasqan. Sondaı-aq qaýipsiz qozǵalysty qamtamasyz etý úshin SQO ákimdigi jaýapty qyzmettermen kelisim boıynsha «Qysqy kezeńde oblystyq jáne aýdandyq mańyzy bar avtojoldarda, sondaı-aq qalalar men eldi mekenderdiń kóshelerinde jol qozǵalysyn shekteý kezindegi ózara is-qımyl jónindegi jol kartasyn» bekitti. Jol kartasyna sáıkes qalyń qar jaýǵan kezde ákimdik tótenshe jaǵdaılar departamentimen jáne polıtsııa departamentimen kelisim boıynsha avtojol ýchaskelerinde qozǵalysty shekteý nemese jabý týraly sheshim qabyldaıdy. Máselen 2024 jyldyń qańtar-naýryz aılarynda jergilikti mańyzy bar avtojoldar jelisi boıynsha kólik quraldary úshin 35 shekteý engizildi», - deıdi Erden Shortybaev.
SQO-da alǵashqy qar túskenimen, erip ketti. https://kaz.inform.kz/news/sko-da-kar-zhauip-boran-sogip-tur-e84f3d/ «Qazgıdromet» RMK SQO fılıaly 31 qazanǵa eskertý jarııalady, erteń tuman túsip, kóktaıǵaq bolmaq.
