SQO joldarynda bıyl tórt bala mert boldy: búldirshinderge qaýipsizdik erejesin qýyrshaqtar úıretip jatyr

PETROPAVL. KAZINFORM - Soltústik Qazaqstan oblysynda jyl basynan beri balalarǵa qatysty 60 jol-kólik oqıǵasy tirkeldi.

balalar
Foto: SQO PD

SQO Polıtsııa departamenti baspasóz qyzmetiniń málimetinshe, joldarda tórt bala mert bolsa, taǵy 90 jasóspirim túrli jaraqat alǵan. Onyń ishinde 23-i - jeti jasqa tolmaǵan búldirshinder.

jol erejesi
Foto: SQO PD

Balalardyń joldaǵy qaýipsizdigin arttyrý maqsatynda óńirde erekshe profılaktıkalyq joba qolǵa alyndy. Endi jol júrý erejelerin búldirshinderge oıyn arqyly qýyrshaqtar úıretip júr. Mundaı format kezdeısoq tańdalmaǵan. 

- Balalardyń mańyzdy aqparatty oıyn arqyly jaqsy qabyldaıtyny belgili. Osy sebepti 5-6 jastaǵy balalarǵa oblystyq qýyrshaq teatry akterleriniń kómegimen arnaıy qoıylym ázirledik. Mektepke deıingi jastaǵy balalarǵa qaýipsizdik talaptaryn qurǵaq ereje túrinde túsindirgennen góri, oqıǵa jelisi men keıipkerlerdiń áreketi arqyly jetkizý áldeqaıda túsinikti. Búldirshinder qoıylymdy tamashalap qana qoımaı, keıipkerlerdiń áreketinen durys pen burysty ajyratyp, kúndelikti ómirde kezdesýi múmkin jaǵdaılardy este saqtaıdy, - deıdi SQO PD ákimshilik polıtsııa basqarmasynyń bastyǵy Altynbek Jamalıev.

v
Foto: SQO PD

Tártip saqshylarynyń aıtýynsha, spektaklde basty keıipkerler balalarǵa jolda jıi kezdesetin qaýipti jaǵdaılardy kórsetedi. Máselen, joldyń ústine oılanbastan júgirip shyǵýdyń saldary, velosıped pen samokat tepkende saqtalýy tıis erejeler túsindiriledi. Sondaı-aq joldaǵy bir sáttik beıǵamdyqtyń orny tolmas ókinishke ákelýi múmkin ekeni kórinis arqyly jetkiziledi.

v
Foto: SQO PD

Buǵan deıin Almaty oblysynda turǵyn úı aýlasynda eki balany qaǵyp ketken júrgizýshi jazalanǵanyn jazǵan edik.