SQO jańa oqý jylyna qyzý daıyndyq ústinde
ASTANA. QazAqparat - SQO 2016 jyly oqýlyqtar satyp alýǵa oblystyq bıýdjetten 514,8 mıllıon teńge bóldi. Onyń 473,2 mıllıon teńgesi - aýdandyq jáne Petropavl qalasynyń mektepterine, al 41,6 mıllıon teńge oblystyq mekemelerge bólingen.
Qazirgi ýaqytta 491,6 mıllıon teńge qarajatqa 536,8 myń dana kitap alý úshin 21 baspamen 213 kelisimshart bekitilgen. Onyń 76 kelisimsharty birinshi synyp oqýshylarynyń oqýlyqtaryna arnalǵan, ıaǵnı 191,0 mıllıon teńgege 241,5 myń dana kitap alynady.
Búgin 288,3 mıllıon teńgege alynǵan 308,5 myń oqýlyq bilim berý mekemelerine jetkizildi.
Oqýlyqtan bólek, bilim berý mekemelerindegi kompıýterlerdi jańartýǵa 100 mıllıon teńge bólindi.
Jańa oqý jylyna bilim ordalaryn daıyndaý jumystary da belsendi júrgizilip jatyr.
Aımaqtaǵy 59 nysannyń kúrdeli jáne josparly jóndeý jumystary úshin 1281,5 myń teńge bólindi. Sonyń ishinde 998,4 mıllıon teńge «Jumyspen qamtý 2020 jol kartasy» boıynsha 40 mekemeni daıyndaý úshin respýblıkalyq bıýdjetten bólingen jáne oblystyq qazynadan 19 nysanǵa baǵyttalǵan 238,1 mıllıon teńge bólindi. Bul qarajatqa ǵımarattardy, olardyń shatyryn, elektrmen jabdyqtaý, jylý júıeleri jóndeýden ótkiziledi jáne esikter men terezeler aýystyrylady.
Qazir barlyq nysanda jóndeý jumystary júrip jatyr, 25 tamyzǵa deıin barlyq jumysty aıaqtaý josparlanǵan.
Aldyn ala málimetter boıynsha, bıyl SQO-da 9 600-den astam bala mektepke barady.
