SQO tutynýshylaryna jylýǵa tólegen 63 mln teńgeden astam qarajaty qaıtarylady
QR UEM Tabıǵı monopolııalardy retteý komıtetiniń SQO boıynsha departamentiniń málimetinshe, vedomstvo monopolısterdiń 2021-2022 jyldar aralyǵyndaǵy jylý úshin jylý eseptegish quraldary joq tutynýshylarǵa 27 mln teńgege jýyq qarajatty qaıtaratynyn habarlaǵan edi.
Departament mamandary jaqynda syrtqy aýanyń naqty temperatýrasyn eskere otyryp, jylýmen jabdyqtaý qyzmetteriniń qunyn qaıta esepteý boıynsha tabıǵı monopolııalar sýbektileri usynǵan aqparattarǵa qorytyndy taldaý júrgizdi. Nátıjesinde jylýmen jabdyqtaıtyn 11 tabıǵı monopolııa sýbektisi QQS esebimen eseptegish quraldary joq tutynýshylarǵa 63 mln 563 myń teńgeni qaıtarýy qajet ekenin anyqtady.
Sonyń ishinde «Sevkazenergosbyt» JShS shamamen 30 mln teńge, «Vektor» JK 16 mln teńge, «Teploservıs-2030» JShS 10 mln teńge, «Saýmalkól jylý» JShS 4,5 mln teńge óz tutynýshylaryna qaıtarýy tıis.
«Monopolıster departament qabyldanǵan bul sheshimmen kelispegen jaǵdaıda joǵary turǵan organǵa nemese sot tártibimen shaǵymdanaýǵa quqyly. Bul atalǵan sýbektiler qaıta esepteý nátıjesin jańa jylý maýsymynda, ne osy jyldyń sońyna deıin tólemdi qaıta esepteý arqyly qaıtarýy tıis. Ol halyqtyń jeke shotynda avans túrinde jeke jolmen kórsetiledi» - deıdi Tabıǵı monopolııalardy retteý komıtetiniń SQO boıynsha departamenti mamandary.
Mamandar osylaısha jylý úshin artyq tólem jasamaý jáne kelispeýshilikter bolmaýy úshin tutynýshylarǵa úıge ortaq jylý esepteý quraldaryn qoıýǵa keńes beredi. Mundaıda turǵyn jylý energııasynyń naqty tutynylǵan kólemi úshin ǵana aqy tóleıdi. ıAǵnı syrtqy aýanyń naqty temperatýrasyn eskere otyryp, qaıta esepteý júrgizý qajettiligi týyndamaıdy.