SQO túrmesinde jazasyn ótep jatqan áıeldi týystary 20 jyldan beri óldige sanaǵan
PETROPAVL. QazAqparat - SQO-da sottalǵan azamatshany týystary 20 jyl boıy óldige sanaǵan, dep habarlaıdy Polisia.kz.
22 qyrkúıekte Petropavl áıelder kolonııasynda ashyq esik kúni ótken bolatyn.
Sharada sottalǵan Altyngúl Baıazıeva ómirlik qıyn jaǵdaıǵa tap bolǵan balalardy ońaltý ortalyǵynda turatyn 8 jasar qyzymen kezdesti. Bul jaǵdaı BAQ-ta jarııalandy.
Sodan keıin kóp uzamaı, 8 qazanda beımálim er adam áıelder kolonııasyna habarlasyp, sottalǵan Baıazıevanyń anasynyń týǵan inisi ekenin aıtqan.
Jıenimen baılanys 20 jyl buryn, ıaǵnı er adamnyń ápkesi, Altyngúldiń anasy qaıtys bolǵannan keıin úzilgen.
Osy ýaqyt ishinde sottalǵannyń týystary ony qaıtys boldy dep sanaǵan.
10 qazanda túzeý mekemesine jıenimen qysqa merzimdi kezdesýge kelgen.
8 jyldan beri mektep dırektory bolyp jumys atqaryp jatyr.
Belgili bolǵandaı, er adam sottalǵan kelinshektiń týǵan aǵasyn da tárbıelep ósirgen, endi ol A. Baıazıevanyń qyzyn balalar úıinen ýaqytsha alyp ketýdi josparlap otyr.
– Juma kúni tanystarym maǵan ashyq esik kúninen jańalyqtar vıdeosyn jiberdi. Men birden jıenimdi tanydym. Sol sátte qandaı emotsııada bolǵanymdy bilmeımin. Uzaq jyldar izdep tappadym, endi onyń tiri jáne saý ekenin kórdim. Onyń qyzy da bar. Endi men ony anasy bosatylǵanǵa deıin óz qamqorlyǵyma alýdy josparlap otyrmyn. Bul máseleni talqyladyq, Altyngúl qarsy emes. Maǵan kómekteskenderdiń bárine alǵys aıtqym keledi. Kim biledi, eger ol jańalyqtarda kórsetilmese, biz kezdespes edik, – deıdi er adam.
– Bosap shyqqannan keıin bizben birge turasyń. Bul jaıynda alańdama, eshkim qarsy emes. Endi biz seni eshqashan joǵaltpaımyz.
Osyndaı áserli notada aǵasy men jıeniniń 20 jyldaǵy alǵashqy áńgimesi aıaqtaldy.
Foto: polisia.kz
