SQO turǵynyn óz úıinde úsik shala jazdady
PETROPAVL. QazAqparat - SQO polıtseıleri aıaz saldarynan naqty mekenjaıy joq adamdardy anyqtaý jumystaryn kúsheıtti, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Petropavlda qabyldaý-bólý qyzmetkerleri úısiz adamdar júretin jerlerdi tekserip jatyr. Qazir ol jerde naqty mekenjaıy joq 47 adam bar.
«Túneý beketteri úshinshi qys jumys istep jatyr, osy ýaqyt ishinde úsik shalyp, eshkim qaza tapqan joq», - dedi SQO ІІD jergilikti polıtsııa qyzmetiniń basshysy Qanat Aıtbaev.
Ýchaskelik polıtsııa ınspektorlary jalǵyz turatyndardy, áleýmettik osal topqa kiretin azamattardy tekserip shyqqan.
Taıynsha AІІB qyzmetkerleri 43 jastaǵy Kellerovka aýyly turǵynynyń ómirin arashalap qaldy. Ol jylýy joq úıde uıyqtap qalǵan.
«Dúısenbi kúni tańerteń polıtsııanyń aǵa leıtenanty Kúmisbek Ospanov pen polıtsııa leıtenanty Dmıtrıı Bızıkov jalǵyz turatyn aýyl turǵynynyń esigin qaqqan. Ashylmaǵan soń polıtseıler esikti buzyp, ishke kirgen. Dıvanda jatqan aýyl turǵyny quqyq qorǵaýshylarǵa jaýap qatpaǵan. Ony aýrýhanaǵa apardy. Qazir ómirine eshqandaı qaýip tónip turǵan joq. Ýchaskelik polıtseıler oǵan tamaq pen qysqy aıaq-kıim alyp bergen», - dedi baspasóz qyzmetinde.
